Entzun al dugu inoiz ezer Europako Itun Berdeaz? Eta Agenda Berdeaz? Bideo honetan, biak zer diren azaltzen dugu, hori posible egiten duten emakumeen funtsezko rolaren bidez. Horretarako, Europara bidaiatzen dugu Itun Berdearen protagonistak ezagutzeko: Ursula von der Leyen Europako Batzordeko presidentea, Mariya Gabriel Berrikuntza, Ikerketa, Kultura, Hezkuntza eta Gazteriako komisarioa; Elisa Ferreira Kohesio eta Erreformako komisarioa; eta Kadri Simson Energiako komisarioa. Eta, etxera itzulita, garapen jasangarriari laguntzeko UPV/EHUren agenda errepasatzen dugu: EHUagenda 2030.
Jarduera honek Itun Berdean eta agendetan, maila guztietan, lan egiten duten emakumeak omentzeko eta aintzatesteko balio izatea nahi dugu. Baita azterlan zientifiko-teknologikoetako genero-desparekotasuna azaltzeko eta horri buruz hausnartzeko, eta emakumeek eta neskek zientzian parte har dezaten sustatzeko ere.