Ba al zenekien emakume batek ahalbidetu zuela organoen transplantea? Zahartzearen eta minbiziaren zelula-oinarriak ere bi emakumezko zientzialarik aurkitu zituzten. Izan ere, medikuntzaren historian, aurrerapen asko emakumeen eskutik iritsi dira. Hala ere, haien ekarpenak oso gutxitan zabaltzen dira testuliburuetan edo ikasgeletan; hori dela eta, neskek eta emakume gazteek osasunaren arloko ikerkuntzan eta lidergo zientifikoan aritzeko autokontzeptu positibo bat garatzeko aukera mugatzen da.
Txoko honetan, bideo interesgarri baten bidez, medikuntza eta erizaintza modernoen aitzindari diren bost emakumezko zientzialariren ekarpen baliotsuak ezagutzera gonbidatzen zaitugu. Horren bidez, historiaren ikuspegi androzentrikoa irauli nahi dugu, bai eta haur eta gazteentzat erreferentzia izango diren eredu femeninoak sortu ere, batez ere neskentzat.
Gainera, #SheMentoring sare sozialetako ekimenaren bidez, UPV/EHUko zientzialariek egindako ikerketen berri emango dugu. Ezagutu nahi dituzu? Bisitatu kanpaina osoa hemen.