Ibai bat ur-bide bat baino askoz ere gehiago da. Zadorratik egingo dugun paseo didaktiko honetan, uraren eta gizakion artean dagoen lotura erakutsiko dizugu, historia, hirigintza eta ingurumenaren ikuspuntutik.
Kultur Paisaiak eta Ondarearen UNESCO Katedrak (UPV/EHU) definitutako paisaia-ibilbide bat egingo dugu, babestutako ekosistemak eta eraikitako ondare-elementuak ezagutzeko, hala nola antzinako errotak, irin-fabrikak eta zubiak, baita leku bakoitzari lotutako kultur narratibak ere. Gainera, ibaiak bere inguruko bizilekuarekin, Arabako hiriburua duen lotura optimizatzeko xedez egin diren hobekuntzak ere ikusiko ditugu.
Zatoz Zadorratik paseatzera, zure kulturatik paseatu!
Norentzat: publiko orokorra
Bisitarako informazio zehatza
- Baldintza meteorologikoek bisita aldatu dezakete. Edozein aldaketa atal honetan iragarriko da, baita izena ematen duten pertsonei ere.
- Oinetako erosoak eramatea gomendatzen da.
- Paseoak 2-3 orduko iraupena du, gutxi gorabehera, eta 2,5 km-ko ibilbidea.
- Paseo didaktikoaren abiapuntua Zadorra Ibaiko Parkearen oinezko sarrera izango da (Gamarra Plazako biribilgunearen ondoan). Ibilbidea Abetxukoko ortuetan bukatuko da. Hemen duzu ibilbidearen planoa, gorde ezazu bisita egunean erabili ahal izateko.
