Txoko honek Arkeologiak duela gutxiko gatazkak, 1936-1939ko Gerra Zibila, Francoren diktadura, etab., ezagutzen nola lagun dezakeen aukera eskaintzen du, Giza Eskubideetan oinarritutako ikuspegi batekin. XX. mende aztoratuak orbain sakonak utzi ditu gure paisaietan, baina Arkeologiaren bidez gizartearentzat baliagarria den informazio zientifikoa lortu dezakegu. Gatazka horietara hurbiltzeko funtsezko hiru zutabeak Egia, Justizia eta Erreparazioa bilatzea dira. Arkeologiaren kasuan, gudu-zelaien ezagutza, diktaduraren monumentuen azterketa eta hobi komunen bilaketa dira Egia eraikitzen laguntzen diguten alderdiak, baita bakearen eta giza eskubideen aldeko memoria sozialean parte hartzen laguntzen digutenak ere.