Bilbo erdigunean, UPV/EHUren Ingeniaritza Eskolaren gainean, altxor bat dago ezkutuan, herritarren begien aurrean: Aula Espazio behatokia. Bisitaldi honetan, behatokia ezagutu eta dituen bi unitateak ikusteko aukera izango dugu: bata espazioa gauez behatzeko da; bestea, berriz, egunean zehar Eguzkia aztertzeko. Teleskopioek nola funtzionatzen duten ikasteaz eta bertan egiten duten lanarekin harritzeaz gain, Eguzkia behatzeko aukera ere izango dugu.
- Norentzat: 13 urtetik gorakoentzat, 18 urtetik beherakoak heldu batez lagunduta etorri behar dira.
- Iraupena: 45 min.
- Topalekua: Bilboko Ingeniaritza Eskola (sarrera nagusia), Luis Briñas kalea 17, 48013 Bilbo
Informazio gehigarria: ikustaldia ez dago egokituta mugikortasun urriko pertsonentzat. Jarduera bertan behera gera daiteke eguraldi txarragatik.